معركة عين جالوت معركه تاريخيه مهمه حصلت جنب بيسان فى فلسطين الحاليه في 3 سبتمبر 1260 بين المغول بقيادة كيتو بوقا ( كتبغا ) . المتحالفه معاهم قوات من مملكة كيليكيا ( مملكة ارمينيا الصغرى ) و كرجيين و عرب و شوام و الجيش المصري بقيادة سلطان مصر المملوكى سيف الدين قطز و الأمير ركن الدين بيبرس البندقدارى و فارس الدين أقطاى الصغير أتابك الجيش المصري .
سقوط خوارزم في ايد المغول .
دخل المغول أراضي الدوله الخوارزميه سنة 1218 بتحريض من الخليفه العباسي و استولوا على بخارى و سمرقند و بعدها بسنتين حاصروا عاصمة الدوله الخوارزميه.
في سنة 1227 مات جنكيز خان، و اتقسمت امبراطوريته على ولاده الأربعه كل واحد أخد حته يحكمها .و في سنة 1230 المغول غلبوا و قتلوا جلال الدين سلطان خوارزم اللي فضل مده طويله يقاوم بشجاعه، و استولوا على كل خوارزم وعملوا فيها مدابح رهيبه. و ب بقت بلاد الشرق مفتوحه قدامهم و ما بقى فاضل لهم الا انهم يدخلوا بغداد ويزحفوا على الشرق الاوسط.
نتائج معركة عين جالوت ..
انكمشت امبراطوريتهم لغاية نهر الفرات. تلاشت الدوله الأيوبيه من الشام و اتوسعت الدوله المملوكيه و تمكنت وخذت صوره شرعيه بالكامل و دخلت الشام و الكرك و أماكن ثانيه في طاعتها و اتحكمت بنواب السلاطين اللي بياخذوا الأوامر من القاهره عاصمة الدولة المملوكيه. اتلاشت كمان محاولات الصليبيين عمل حلف مع المغول و ما قدروا ياخدوا بيت المقدس و فضلوا قاعدين في عكا و مدن على ساحل الشام زي بيروت و صور لغاية ما السلطان قلاوون طردهم من طرابلس (1290) و بعد ذلك تم طردهم ابنه الأشرف خليل سنة 1291 من عكا نفسها و بقية مدن الشام الساحليه و انتهى حلمهم. الأمير ركن الدين بيبرس اللي لعب دور كبير في النصر على المغول اتولى حكم مصر بعد ما السلطان قطز أغتيل في السكه و هو راجع مصر من عين جالوت (25 أكتوبر 1260) .بيبرس أخذ لقب الظاهر و تعرف باسم الظاهر بيبرس. انتقم بيبرس من حلفاء المغول اللي شاركوا في معركة عين جالوت فدمر كيليكيا ( مملكة أرمينيه الصغرى ) سنة 1266 و 1275 و امارة انطاكيه سنة 1268 ، و غلب المغول في المعارك اللي حاولوا فيها انهم ياخدو بـثارهم لهزيمتهم في عين جالوت و هزمهم هزيمه منكره في معركة الأبلستين في 18 ابريل سنة 1277.بعد معركة عين جالوت القبيله الذهبيه المغوليه بفضل نباهة بيبرس السياسيه اعتنقت الاسلام و دخل ملكها بركة خان بن جوجي في تحالف مع مصر ضد مغول الاليخنات في فارس فكات ضربه موجعه ليهم,وكذلك اتعملت معاهدات و اتفاقيات صداقه بين مصر و الامبراطوريه البيزنطيه و الامبراطوريه الرومانيه الغربيه و صقليه و جمهوريات ايطاليا.وقدر بيبرس من انه يعمل خلافه عباسيه في القاهره ادت شرعيه لحكمه و لكل سلاطين الدولة المملوكيه من بعده و بقت الخلافه الوحيده في كل المنطقه لأول مره، وبهذا هو بيعتبر المؤسس الحقيقي للدوله المملوكيه اللي رسوخها في جنوب البحر المتوسط...
هذا باختصاار عن معركة عين جالوت